Цөлжилттэй тэмцэх тухай НҮБ-ын конвенцын Талуудын 17 дугаар бага хурал буюу COP17 арга хэмжээнй үеийн зам тээвэр, логистикийн зохицуулалтын талаар мэдээлэл өглөө. Тус хурал наймдугаар сарын 17-28-ны өдрүүдэд Улаанбаатар хотод болох бөгөөд 6000 гаруй зочид, төлөөлөгч ирэх төлөвтэй байна. Хурлын үеэр 17 чиглэлд нийтийн тээврийн 100 гаруй автобус үйлчилнэ.
Тогтмол хуваарийн дагуу явж буй нийтийн тээврийн 72 автобус иргэдэд үйлчилгээ үзүүлнэ. Нарантуул, Дүнжингарав орчмын замыг хэсэгчлэн хаах зохицуулалт хийнэ. Үүнтэй холбоотойгоор Дүнжингарав, Нарантуул хооронд богино хоёр эргэлтийг иргэд, оролцогчдод нэмэлтээр гаргаж байгаа аж. Түүнчлэн хуралтай холбоотойгоор хувийн тээврийн хэрэгслийн хөдөлгөөнийг зохицуулах, түгжрэл ачааллыг бууруулах хүрээнд улсын дугаарын сүүлийн орны тэгш, сондгойгоор ээлжлэн хөдөлгөөнд оролцуулахаар болсон.
Тэгш, сондгойгоор хөдөлгөөнд оролцох зохицуулалтад хамаарахгүй тээврийн хэрэгслүүд
Дугаарын хязгаарлалт наймдугаар сарын 15-ны өдрөөс есдүгээр сарын 12-ны өдрийг дуустал 07:00-21:00 цагийн хооронд бүсчлэл хамаарахгүйгээр үйлчилнэ.
Хурлын үеэр
Нарны зам Өгөөмөр захын зүүн урд уулзвараас Нарантуул олон улсын худалдааны төвийн баруун урд уулзвар,
Нарантуул олон улсын худалдааны төвийн баруун урд уулзвараас Дүнжингарав худалдааны төвийн баруун урд уулзвар,
Дүнжингарав худалдааны төвийн баруун урд уулзвараас Зүүн жанжны уулзвар хүртэлх авто замын зорчих хэсгийн хөдөлгөөнийг наймдугаар сарын 17-ны өдрөөс наймдугаар сарын 28-ны өдрийг дуустал өглөөний 07:00 цагаас оройн 21:00 цагийн хооронд хязгаарлана. Мөн арга хэмжээ болох байршлын ойролцоох буюу Нарантуул, Дүнжингарав, Шинэ зуун айл худалдааны төвүүдийн авто зогсоолын түр хугацаанд хаана. Худалдааны төвүүдийн үйл ажиллагаа хэвийн үргэлжилнэ.
Сэтгэгдэл үлдээх